Ye Pichlay ishq Ki Batain Hain
Jab Ankh Mein Khawab Damaktay Hain
Jab Dillon Mein Daag Chamaktay Hain
Jab Palkain Shehar Kay Rastoon Mein
Ashqoon Ka Noor Lutati Hain
Jab Sansain Ojlay Chehroon Ki
Tan Man Mein Phool Sajati Hain
Jab Chand Ki Rim Jhim Kirno Se
Sochoon Mein Bhanawar Pad Jatay Hain
Jab Aik Tlatam Rehta Hai
Apne Be Ant Khayalo Mein
Har Ahad Nibhanay Ki Qasmay
Khat Khoon Se Likhnay Ki Rasmain
Jab Aam Thi Ham Dil Walon Mein
Ab Apne Phekay Hontoon Per
Kuch Jaltay Bhujtay Lafzoo Kay
Yaqoot Pighaltay Rehtay Hain
Ab Apni Gum Sum Ankhoon Mein
Kuch Dhool Hai Bikhri Yadoon Ki
Kuch Gard Alood Se Mosam Hai
Ab Dhoop Ugalti Socho Mein
Kuch Pemaaan Jaltay Rehtay Hain
Ab Apne Veraan Aangan Mein
Jitni Subhoo Ki Chandi Hai
Jitni Shamo Ka Sona Hai
Es Ko Khakstar Hona Hai
Ab Ye Batain Rehnay Dijiye
Jis Umer Mein Qissay Bantay Thay
Os Umer Ka Gham Sehnay Dijiye
Ab Apni Ujdi Ankho Mein
Jitni Roshan Si Ratain Hain
Es Umer Ki Sab Sogatain Hain
Jis Umer Kay Khawab Khayal Howay
Wo Pichli Umer Thi Beet Gai
Wo Umer Btaye Saal Howay
Ab Apni Deed Kay Rastay Mein
Kuch Rang Hai Guzray Lamho Ka
Kuch Ashkoon Ki Baratain Hain
Kuch Bholay Basray Chehray Hain
Kuch Yadoon Ki Barsatain Hain
Mohsin Naqvi
Another best urdu poetry of mohsin naqvi.mohsin naqvi is a greatest urdu pakistani poet.mohsin naqvi shayari famouse all of the world.mohsin naqvi this sad poetry is so hearttouching and broken heart urdu poetry in urdu i hope you really like this mohsin naqvi ghazal.
More Mohsin Shayari
Ojday Howay Logo Say Gureza Na Howa Kar
1 Comments
Zabar 10 Bohat Khob
ReplyDelete