Jabbar Wasif-Ghungroo py bat kr naa tu Payal py baat kar-Urdu poetry In Urdu 2021

 Ghungroo py bat kr naa tu Payal py baat kar

 Ghungroo py bat kr naa tu Payal py baat kar

mujh sy tawaifoo ky Masayal py baat kar

Footpath par para huwa dewan-e-meer daikh

raddi mein biknay waly Rasayal py baat kar

Goray musannfeen ki kali kutab ko parh

kalay musannfon kay khasayal py baat kar

Membar py beth kar sunaa jhuti haqaeten

khutbay mein sach ky fazl-o-fazayal py baat kar

Ass mein bhi ajar hai nehaan nafli nimaz ka

masjid mein bheek mangtay Sayal py baat kar

Mera duaa say barh kydawa par yakin hai

mujh say wasila chorr, Wasayal pay baat kar

AA mery sath beth mery sath chaiey pe

aa mery sath meray Dalayal py baat kar

Sardaar hain jo aaj wo gaddaar thy kabhi

ja in say in kay dor-e-Awayal pay baat kar

Wasif bhi salikon kay qabilay ka fard hai

wasif say Arifon kay Shumayal pay baat kar

(Poet - Wasif Jabbar)