Behzad Lakhnavi Ghazals-Best poetry in Urdu-Behzaad Lakhnawi urdu Shaiyri by Zubair Poetry

Behzaad Lakhnavi

( ہے خرد مندی یہی باہوش دیوانہ رہے)

 ہے خرد مندی یہی باہوش دیوانہ رہے
ہے وہی اپنا جو اپنے سے بیگانہ رہے

کُفر سے التجائیں کر رہا ہوں باربار
جائو تو کعبہ مگر رخ سوئے مے خانہ رہے

شمع سوزاں کچھ خبر بھی ہے او مست غم
حسن محفل ہے جبھی جب تک کے پروانہ رہے

زخم دل اے زخم دل ناسور کیوں بنتا ہے
لطف تو جب ہے کہ افسانے میں افسانہ رہے

ہم کو واعظ کا بھی دل رکھنا ہےساقی کا بھی دل
ہم تو توبہ کر کے بھی پابند میخانہ رہے

آخرش کب تک رہیں گی حسن کی نادانیاں
حسن سے پوچھو کے کب تک عشق دیوانہ رہے

فیض راہ عشق ہے یا فیض جزب عشق ہے
ہم تو منزل بھی پاکے بھی منزل سے بیگانہ رہے

مےکدہ میں ہم دعائیں کر رہے ہیں بار بار
اس طرف بھی چشم مست پیر میخانہ رہے

آج تو ساقی سے بہزاد نے باندھا ہے عہد
لب پہ توبہ ہو مگر ہاتھوں میں پیمانہ رہے

(بہزاد لکھنوی)